Search found 360 matches for Rudi Coetzer

Vandag wil ek wegraak
tussen die lyne
van Smog * se woorde

vandag wil ek disintegreer
tussen die klanke
van Smog se lirieke .

Vandag wil ek net hang
aan die lippe
van siel

en my trane stort
oor alles so mooi
oor alles so verniel .

( * Smog : een van my favorite sangers .
{en hy ken van ironie…}
18/05/2012 13h36
http://www.youtube.com/watch?v=n3s4koD9yXU&feature=related )

Die boer bebaard
haal bedaard
sy 308 uit die Hilux-bakkie
en skiet die swart hings
met die gebreekte been
deur die kop -

maar binne-in bloei hy .

Die naweek
vier die volk fees .



( 15/01/2009 15h34 )

Onder by die rivier
sit die hamerkop
roerloos op ñ klip
en visvang .

Bo by die opstal
speel die kinders
oopmondlag
tussen die koi’s
in die visdam .



( 15/01/2009 15h17 )

hi vreemdeling..jy was weer lank skaars.
welkom terug.
Baie dankie vir jou mooi woorde.

jip..duidelik.....

ñ Jakkals lê
gebreek bebloed
in die distrikspad
hygend na laaste asem .

In die boom
meters weg
broei ñ uiltjie
grootoog uit .


( 14/01/2009 23h05 )

Die sonneblomme
Van Gogh in die blompot
op die twaalfsitplek-eetkamertafel ,
keurig gedek
vir die sondagmiddag maal .

Die gaste kom
direk na kerk
nog gekraag en gedas .

Eerste wat die seuns doen
is om uit te trek,
en dan kortbroek kaalvoet
rivier toe te verdwyn .

Die dorp
is nie ñ lekker plek nie .



( 14/01/2009 21h05 )

Die populiere ritsel vuurhoutjie-regop
in die agtermiddag bries .

Op die plaashuis se stoep
klink-klank die kloklied .

Oupa sit grysbaard
op die riempiesbank
en pruim kolskoot –
sy oë op die populierbos .

Vannag gaan dit reën .



( 13/01/2009 23h45 )

Die populiere ritsel vuurhoutjie-regop
in die agtermiddag bries .

Op die plaashuis se stoep
klink-klank die kloklied .

Oupa sit grysbaard
op die riempiesbank
en pruim kolskoot –
sy oë op die populierbos .

Vannag gaan dit reën .



( 13/01/2009 23h45 )

My baby bekkie bokkie-blom
is lovey-dovey
met my

sy cuddle my closely
en sê sy
is lief vir my .

Baby , my bekkie bokkie-blom
na ñ lewe se soek
na ñ lewe se gewag

na soms se twyfel
na soms se seer
na soms se nag

na soms se lag
na soms se hoop

soms se huil al weer

soms se sleg verloop
soms my siel verkoop

is daar nou
ñ warm lig
in jou oë
wat net vir my skyn .

Baby , my bekkie bokkie-blom
in hierdie hart van my
voel ek kaggel-cosy
en warm en fuzzy
oor jou en my

en as ek
my sin kan kry
gaan dit tot my laaste asem
net so bly .


( 16/04/2012 22h46 )