my kleinste liefsteling
jy koor in babataal
ek luister na jou sing
jy met jou eie verhaal

sorgloos lê jy bondel
hand-voet gimnastiek
deel van pajama dril
drink melk uit plastiek

ek kiekie met my oog
skryf jou dagboek-blad
my dag kleur reënboog
ons loop die lewe se pad

my wiggel-waggel boud
kom lê teen my bestaan
jy is my tonnemaat goud
duifsag val daar ‘n traan

my beker loop rivierbreed
as ek my seëninge tel
al my vreugde word gemeet
met ‘n hart wat trots swel


© WERNER WEHMEYER 2011

Dis so sweet....
My vote is gecast..

Baie dankie....waardeer baie