MY DRIE-ANKER BAAI

Wanneer ek mateloos storm en woed
ruk my vier winde magteloos uit hul hoeke
kom speel martelaar in my skade en skande
gooi my pyn skugter anker in jou hawe
opsoek na vaste kompas
na iets wat magic rigting sal wys
vra ek, smeek ek
word my Drie-Anker Baai

Meeue bly vreesloos pik-pik
swerm en draai oor my septiese wonde
my siel wat om verlossing kerm
haal my uit die storm uit!
word my Drie-Anker Baai

Droog my versteende gebeente
wat witgewas vol erosie pleidooi
dryfhout op jou strande le
balsem my ongelowige hart
wat vergeet het hoe om lief te he
breekwal my ongeloof-like storms
kompas Geloof, Hoop en Liefde
word my Drie-Anker Baai

Lizelle 09/09/2011

Dis goed om jou hier te sien Lizelle. Ek hou hiervan en ek het vir dit gestem.
Hoe lykit, gooi bietjie 'n stem daar na my kant toe as jy wil!