Geloof is 'n duifie wat laatnag koer
want naguil se liggie skyn nog daar doer
dit gee hom hoop en hy begin sing
oor die nuwe dag wat sonskyn bring

Wie is ons om te sê ons glo nie meer
is die lewe só swaar, het ons só seer?

Kyk na die duifie wat laatnag koer
vir uil se liggie wat nog daar loer
hoopvol begin hy dan te sing
oor die ware Lig wat vrede bring

S.J. du Plessis © Augustus 2011

Ek sien sluitingsdatum was 15 Januarie...(my internet was af)...so ek vat maar 'n kans en hoop daar is nog geleentheid om skrywes vir publikasie te plaas.

Hey,
Dit sluit 15 Februarie nou.

Pragtige gedig hoor.

cute.
mens wil dit sommer sing.

Dankie Louisa en Rudi...ag julle sit sommer 'n lied in my hart. Ja, sing...dan sing ek saam...(okei, miskien moet ek net saggies neurie indien julle sensitiewe ore het... *giggel*)

Dankie vir nuwe sperdatum..."thumbs up" vir Admin en bestuur. Thanks guys.

Wow...nou net Ammie en Arend se "Naglied vir jou" geluister. (Pragtig!) Ek het sopas besluit: ek los maar die gesingery vir die wie regtig KAN soos hulle!!! (maar indien iemand my ou duifie se gesingery wil besing is julle meer as welkom...)

Goeie werk, het gestem.

Baie dankie vir die stem. Waardeer opreg.