Winterswit in Maniese Psigose

as gyselaar op biopolere reise

'n weegskaal van dorings en rose

tydelik afgesny Prinses van Paleise

Ongelooflik jou kapasiteit

in heerlik wisselende vorme

as Varanus Komodoenis ons beskei'

en Paranoia-waansin lei tot groter norme

Oombliklik die draaikolk van jou gal

dramaties in jou Manie my afgelaai

bebloed verbaas in jou dorings verval

by die vlym-skerp impak in jou afdraai

Verlangend in jou pik maalkolk

Hunkerend na jou binnewip

Kom ons gooi saam 'n dolk

Saggies na komo' se klip

Want wat ek wil, skuld die wereld my

~ Carol Peyper