Tussen woorde
lê my voetspore
van gister se pad

Tussen rympies en verse
lê my hart
in letters saam gevat

Tussen woorde
Daar sal jy my gedagtes kry
waar die skadu's op die wit lê
swart geëts en vir altyd sal bly

Tussen woorde
lê my paaie
deel van elke dag gesaai
gedeel in woord en blaai

Tussen woorde
lê my sprokies
vasgevang
van lief en seer en elke bietjie bang

Tussen woorde
lê drome
soos wandel tussen paradys bome

Tussen woorde
en verse
lê liefde bedek soos lappies kombers

Tussen woorde
lê bietjie van my siel
van gister en vandag se draaiende wiel

Tussen woorde
sal jy deel kan wees
van n' hart gekneus

Tussen woorde sal jy als kan lees van waar my hart wil wees

Tussen woorde
lê n' hart
in die palm van jou hand

Morney van Staden

Ek wil net dankie sê vir almal wat vote , my gedigte lees en my ondersteun.
Dit word waardeer. Baie dankie.